欢迎光临
告诉你些不知道的事情

仲有个几月就要离开呢个生活咗四年嘅地方,真係好好好

仲有个几月就要离开呢个生活咗四年嘅地方,真係好好好好好唔舍得!仲记得啱啱入嚟嘅时候,见到橙萱居2门口嘅水泥地,觉得呢度宿舍肯定唔会好好,但係一入到嚟…拣咗自己嘅床位,将自己嘅嘢一样一样咁摆上床,摆入衣柜,直至摆满晒所有可以摆嘢嘅地方。今日睇住绮丽同晓红执嘢走,晓红将佢装药嘅柜桶入面过期嘅药一样一样咁掉晒落垃圾桶,真係觉得呢四年最开心嘅时光要结束了,对咗四年嘅T2110,训咗四年嘅床,用咗四年嘅衣柜、书台、厕所、洗手台、洗衣机……每一样嘢都充满住回忆。仲有好似头先,晓红出咗去又翻嚟拿嘢…呢个宿舍传统。当然最唔舍得就係宿舍果两条友,以后真係唔知几多年先会见一次了,到时会唔会係最熟悉的陌生人?晓红话最舒服就係拉埋床帘,关埋灯,开住空调训教,呢个应该就係我哋大学呢四年最最最美好嘅回忆了。地球唔会停止转动,时间也不会停止流逝,人类真係好可悲,一生努力从0到100,最后无人可幸免回归到0……Anyway……我哋每个人都仲有好长嘅路要自己去行,我要将所有不舍和悲伤摆晒係度,努力迎接明天!!

分享到:更多 ()